ROMA

Aquí vos deixo o enlace ao que hai que estudar de Roma, perdoade a tardanza en publicado. Ánimo! Xa estamos acabando un trimestre! Queda só un pequeno esforzo.

OS DEUSES GREGOS E ROMANOS

ARQUEÓLOGOS VIRTUAIS: HISPANIA PRERROMANA

Queridos arqueólogos/as: Pensades que non iamos ter máis investigacións que facer? Pois non, Agora que estamos a estudar a civilización romana imos ver que fixeron os romanos na Península Ibérica e en Galicia.
Se lembrades, o último que estudamos sobre a Península Ibérica foi a Idade dos Metais, o megalitismo e os castros. Polo que o primeiro que imos a averiguar é:

Asterix en Hispania

1.  Que pobos habitaban a Península Ibérica antes da chegada dos romanos?
2. Ademais dos pobos que habitaban a Península houbo outros que se instalaron nela procedentes doutros lugares. Averigüade que pobo se instalou nas seguintes vilas e que nome reciben na actualidade

• Malaka
• Gadir
• Rhode
• Emporion
• Cartago Nova

3. Os romanos chamaron Hispania á Península Ibérica, por que? Que significa a palabra Hispania?

Tedes ata o mércores día 10 (os dous grupos) para enviar as vosas respostas

A Antiga Roma

Xa que está claro que non podemos ir de excursión de fin de curso a Roma, nos teremos que conformar con este video da Antiga Roma en 3D

A CIVILIZACIÓN ROMANA

Continuamos polo Mediterráneo e chegamos a Roma. Escoitaches algunha vez a frase: "Todos os camiños conducen a Roma" Imos ver este video para saber que significa realmente esta frase.

COMENTARIO DUNHA ESCULTURA

Imos aprender a comentar unha escultura, para iso temos que seguir os seguintes pasos:

DESCRICIÓN

1. Identificar se se trata dunha escultura en vulto redondo ou relevo
2. Identificar o material no que está feita: mármore, bronce, madeira, óso...
3. Identificar se é figurativa ou abstracta

COMENTARIO

1. Identificar que representa: un deus, unha escena mitolóxica...
2. Explicar como está representada: ten movemento, é realista, mostra expresividade,
3. Identificala cunha época ou estilo e, cando se poda, co autor

Imos practicar con estas 3 esculturas gregas

ARQUITECTURA GREGA - II

O PARTENÓN DE ATENAS

É un templo dórico situado na Acrópole de Atenas, dedicado a Atenea Parthenos, a deusa protectora da cidade e promovido por Pericles. É obra dos arquicectos Ictinio e Calícrates e nel tamén traballou Fidias.

Na mesma Acrópole de Atenas se atopa o Erecteion, templo xónico no que destaca o Pórtico das Cariátides, onde as columnas foron substituídas polas Cariátides: figura feminina que substitúe a unha columna. Cando a figura é masculina chámase atlante ou telamón.

O Templo de Apolo en Delfos é un exemplo de planta circular.

ARQUITECTURA GREGA- I

 A arquitectura grega é alintelada ou arquitrabada, baséase na unión de elementos verticais e horizontais. Está feita a medida do home, non ten a monumentalidade das construcións exipcias; e busca a beleza na proporción e harmonía.

O elemento básico é a columna, a combinación da base,  fuste e o capitel dá lugar ás tres ordes arquitectónicas. 

Ordes arquitectónicas gregas

O edificio principal é o templo.

Planta dun templo grego

Tipos de templo segundo a planta

OS DEUSES GREGOS

ATENAS E ESPARTA

Pinchade no seguinte enlace para imprimir os apuntes: Atenas e Esparta

   

DATAS DOS EXAMES

Por se alguén se esquece onde anotou as datas dos exames:

13 novembro 2014: Exipto e Mesopotamia
26 novembro 2014: Grecia
10 decembro 2014: Roma

TRABALLO AULA DE INFORMÁTICA

Esta semana iremos á aula de informática a facer un pequeño traballo sobre a Cultura Grega. Dareivos a cada un de vós un personaxe grego do que teredes que facer unha pequena biografía na que recollades os seguintes puntos:

• Nome e datas de nacemento e morte se as coñecemos, ou o século no que viviu
• A que se dedicou: filósofo, matemática, escultor, arquitecto, dramaturgo...
• Que fixo: elaborou unha teoría filosófica, estableceun un teorema, escribiu obras, fixo esculturas...E se tedes o nome das obras as anotades
• Unha fotografía del ou das súas obras

Coa información e as fotos (teredes que imprimilas vós) que traiades faremos en todos un collage.

A CIVILIZACIÓN GREGA

AS PIRÁMIDES DE EXIPTO

No seguinte video podedes ver como eran as pirámides

 


 E neste explican as teorías que existen para explicar como movían os grandes bloques de pedra

 

SOLUCIÓN 3º PESQUISA ARQUEÓLOGOS VIRTUAIS: OS CASTROS

Museo do Mar de Galicia, Alcabre

Aquí tedes a FICHA completa sobre os catro castro que tiñamos que investigar. Ademais deses catro, en Galicia contamos con moitos máis e aquí na nosa cidade en Vigo, podemos visitar o Castro de Vigo no monte do mesmo nome (o espazo está musealizado), ou o castro situado no Museo do Mar en Alcabre.

Castro de Vigo

EXIPTO

MESOPOTAMIA

EXAME DA PREHISTORIA

EXAME DA PREHISTORIA (TEMA 9 DO LIBRO) 1º A E 1º B

XOVES 23 DE OUTUBRO

3ª PESQUISA ARQUEÓLOGOS VIRTUAIS: OS CASTROS

Nesta ocasión imos investigar sobre os castros. Atopamos estas construcións espalladas por todo o territorio galego pero imos centrar o noso estudo en 4 castros, un por provincia:

* Castro de Baroña (Porto do Son, A Coruña)

* Castro de Viladonga (Castro de Rei, Lugo)

* Castro de San Cibrao de Las (San Amaro e Punxín, Ourense)

* Castro de Santa Tegra (A Guarda, Pontevedra)

Faremos unha ficha de cada un deles co formato que podedes ver no seguinte enlace Ficha castros

DATAS DE ENTREGA:

1º A MARTES DÍA 28 DE OUTUBRO
1º B LUNS DÍA 27 DE OUTUBRO

SOLUCIÓN 2º PESQUISA ARQUEÓLOGOS VIRTUAIS

O menhir máis importante de Galicia é a Lapa de Gargantáns, no concello pontevedrés de Moraña . Datado entre 3000-2000 a C, ten 2m de altura e un diámetro de 50cm, conserva gravados rupestres nas dúas caras.










No concello de Vigo consérvanse numerosas mámoas, sendo a máis coñecida de todas elas A Casa dos Mouros na parroquia de Candeán. Trátase dun dolmen de planta poligonal formado por 5 ortostatos (pedra vertical que forma parte do dolmen), nun deles apóiase a pedra que servía de cobertura.





A catedral do neolítico galego é o Dolmen de Dombate, situado na parroquia de Borneiro no concello de Cabana de Bergantiños. Está formado por unha cámara poligonal á que se accede por un corredor de catro metros, cunha estrutura bastante complexa pois está dividido en tres tramos. No interior do corredor atopáronse ídolos de pedra .




O conxunto de gravados rupestres máis importante de Galicia atópase no concello de Campo Lameiro (Pontevedra) (Parque Arqueolóxico de Arte Rupestre de Campo Lameiro)